Казанда яңа регби үзәге ачылды

Казанда яңа регби үзәге ачылды. Тиздән анда "Стрела-Ак Барс" командасы күченәчәк. Тантанага Республика Рәисе Рөстәм Миңнеханов белән Премьер Алексей Песошин килделәр. Алексей Песошин Республиканың регби федерациясе президенты да.

Моңарчы Татарстанда регби буенча аерым комплекс юк иде. Ә бу спорт төре белән бездә 2 меңләп кеше шөгыльләнә. Бу сан артачак кына. Чөнки "Стрела-Ак Барс" командасының казанышлары зур. Узган ел алар - ил чемпионы исеменә лаек булды, Россия кубогын һәм Суперкубогын яулады.